Լոս Անջելեսում հայկական որոշ դպրոցների վրա թուրքական դրոշներ են հայտնվել (լուսանկարներ)

Հասարակական06:29, 30 Հունվար 2019

Լոս Անջելեսում հայկական որոշ դպրոցների վրա թուրքական դրոշներ են հայտնվել (լուսանկարներ)

Հունվարի 28-ի լույս 29-ի գիշերը ԱՄՆ-ի Լոս Անջելեսի հայկական Ֆերահյան և Մանուկյան-Դեմիրճյան վարժարանները դարձել են դեռևս անհայտ անձի սադրիչ գործողությունների թիրախը: Ոստիկանության կողմից որպես ատելության և ռասիզմի դրսևում որակված միջադեպը տեղի է ունեցել հունվարի 29-ին առավոտյան ժամը 4-ի շրջանում։ Ֆերահյան վարժարանի անվտանգության տեսախցիկներն արձանագրել են, թե ինչպես է դիմակավորված անձը թուրքական դրոշները փակցնում վարժարանի վրա։

Ֆերահյան վարժարանի վրա տեղադրվել է 11, իսկ Մանուկյան-Դեմիրճյան վարժարանի վրա 2 թուրքական դրոշ։

Ֆերահյան վարժարանի տնօրեն Սոսի Շանլյանը նամակ է հղել աշակերտների ծնողներին դեպքի առնչությամբ՝ նշելով, որ երեխաների անվտանգությունը երաշխավորելու համար իրականացվում են բոլոր անհրաժեշտ միջոցառումները։

Վարժարանի աշակերտները, ի պատասխան ատելության և ռասիզմի վերոհիշյալ դրսևորման, առավոտյան սկսել են դպրոցի տարածքում ամենուր հայկական դրոշներ կախել։