Թուրքիայից հնչում են մեղադրանքներ՝ ուղղված շվեյցարական թերթին

Հասարակական14:00, 13 Մարտ 2019

Թուրքիայից հնչում են մեղադրանքներ՝ ուղղված շվեյցարական թերթին

Շվեյցարական «20minuten» թերթը հայտնվել է թուրքական մամուլի քննադատության թիրախում։ Բանն այն է, որ թերթի հրապարակումներից մեկում, որտեղ ներկայացված է Եթովպիայում տեղի ունեցած ինքնաթիռի վթարի մասին լուրը, տեղադրվել է «Թուրքական ավիաուղիներին» պատկանող ինքնաթիռի լուսանկար։

Այդ սարսափելի վթարի հետևանքով 157 մարդ է զոհվել։ Կործանված «Boeing 737 MAX» ինքնաթիռը պատկանում էր «Եթովպական ավիաուղիներին»։

Ըստ թուրքական կողմի՝ Եվրոպայում հակաթուրքական դիրքորոշմամբ հայտնի շվեյցարական թերթը մարդկանց ենթագիտակցության մեջ Թուրքիայի նկատմամբ անվստահություն առաջացնելու նպատակովէ նման քայլի է դիմել: Եվ այդ սարսափելի լուրի համար դիտավորյալ օգտագործել է աշխարհում ամենամեծ թուրքական կազմակերպություններից մեկին (THY) պատկանող ինքնաթիռի լուսանկարը։

Չնայած թուրքական կողմի բողոքներին՝ շվեյցարական թերթը որևէ պարզաբանում առայժմ չի տվել կատարվածի կապակցությամբ։

Աղբյուր` Ermenihaber.am