Իշխող կուսակցության համակիրները Ստամբուլում հարձակվել են ընդդիմադիրների վրա

Հասարակական13:41, 23 Հունիս 2019

Իշխող կուսակցության համակիրները Ստամբուլում հարձակվել են ընդդիմադիրների վրա

Թուրքիայի խոշորագույն Ստամբուլ քաղաքում տեղի ունեցող քաղաքապետի ընտրության ժամանակ բախում է տեղի ունեցել իշխող ու ընդդիմադիր կուսակցությունների ներկայացուցիչների միջև:

Հաղորդվում է, որ Շիշլի թաղամասի տեղամասերից մեկում իշխող «Արդարություն և զարգացում կուսակցության» (AKP-ԱԶԿ) անդամ մի խումբ երիտասարդներ «հայրենիքի դավաճաններ» վանկարկումներով հարձակվել են ընդդիմադիր «Ժողովրդահանրապետական կուսակցությանը» (CHP-ԺՀԿ) ներկայացուցիչների վրա:

Բախումը մեծ չափերի չի հասել, քանի որ ոստիկանները կարողացել են ժամանակին միջամտել ու դադարեցնել այն:

Հարձակվողները բերման են ենթարկվել։

Այսօր՝ հունիսի 23-ին, Ստամբուլում տեղի ունեցող քաղաքապետի ընտրություններում գլխավոր մրցակիցներն են իշխող ԱԶԿ-ի առաջադրած Բինալի Յըլդըրըմը և ընդդիմադիր ԺՀԿ-ի թեկնածու Էքրեմ Իմամօղլուն:

Հիշեցնենք, որ մարտի 31-ին Թուրքիայում կայացել էր ՏԻՄ ընտրություններ, որի արդյունքում 13 հազար ձայնի առավելությամբ Ստամբուլում հաղթող էր ճանաչվել Էքրեմ Իմամօղլուն: Սակայն ԱԶԿ-ի բազմաթիվ բողոքների արդյունքում մայիսի 6-ին Թուրքիայի կենտրոնական ընտրական հանձնաժողովը չեղյալ հայտարարեց Ստամբուլի ընտրությունների արդյունքները՝ նշանակելով նոր ընտրություններ:

Şişli, Mustafa Sarıgül İlkokulu’nda bir grup AKP’li “vatan hainleri” diye bağırarak CHP’lilere saldırdı. Saldırganlar gözaltına alındı.
AKP yandaşları kaybedenler güruhu oldukları ortaya çıktıkça daha da saldırganlaşacaktır pic.twitter.com/gwYgcKeqf8
— Taksim Gezi Parkı (@TaksimGeziParki) June 23, 2019