Թուրքիայում համայքապետների միայն 2.14 % է կին

Հասարակական14:14, 13 Փետրվար 2020

Թուրքիայում համայքապետների միայն 2.14 % է կին

Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցության (CHP-ԺՀԿ) փոխնախագահ Լալե Քարաբըյըքը ուսումնասիրություն է կատարել, պարզելու` երկրում համայնքապետներից որքանն են կին:

Քարաբըյըքի ուսումնասիրության տվյալներով` Թուրքիայում համայնքապետերի ընդամենը 2.14 տոկոսն է կին:

Թուրքիայի մասշտաբով 50.157 համայքապետ կա, որից 30.005-ը` թաղապետ և 18.152-ը` գյուղապետ:

Ըստ այս ցուցանիշի` Թուրքիայում կին համայնքապետների թիվը կազմում է 2.14 տոկոս, այլ կերպ ասած միջին վիջակագրական տվյալներով յուրաքանչյուր 50 համայնքապետից միայն 1-ն է կին:

Նշվում է, որ 2014-2019թթ. Թուրքիայի մասշտաբով կին համայնքապետների թիվը 685 էր, իսկ այս ժամանակաշրջանին նախորդող փուլում կին համայնքապետների թիվը կազմում էր 45 տոկոս:

Քարաբըյըքի փոխանցմամբ` այժմ Թուրքիայում կին համայնքապետների թիվը մոտ 8 անգամ զիջում է կին պատգամավորների թվին:

Ամենից շատ կին համայնքապետ գտնվում է Թուրքիայի Չանքայայի շրջանում: Երկրի հարավ-արևելյան քրդաբնակ Բիթլիսի, Մուշի, Սինոփի և Շանլըուրֆայի նահանգներում ընդհանրապես չկան կին համայնքապետներ, իսկ Բայբուրթի, Հաքքարիի և Սիիրթի (Սղերդ) նահանգներից յուրաքանչյուրում կան 1-ական կին համայնքապետ:

Աղբյուր` t24.com.tr