Թուրքիայում հայտարարվել է, որ կորոնավիրուսի առկայության հավանականությունը շատ մեծ է

Հասարակական19:50, 10 Մարտ 2020

Թուրքիայում հայտարարվել է, որ կորոնավիրուսի առկայության հավանականությունը շատ մեծ է

Թուրքիայի առողջապահության նախարար Ֆահրեթթին Քոջան հանդես է եկել մամուլի ասուլիսով, որի ընթացքում անդրադարձել է Թուրքիայում կորոնավիրուսի հնարավոր տարածման ռիսկերին։

Նախարարը նշել է, որ այս պահին Թուրքիայում չկա արձանագրված և հաստատված կորոնավիրուսի դեպք, բայց միաժամանակ ընդգծել է, որ օրինակ մի քանի ժամ կամ մի օր հետո նման դեպք ունենալու հավանականությունը չափազանց մեծ է, քանի որ կորոնավիրուսի կասկածով բազմաթիվ հիվանդներ այս պահին ենթարկվում են զննության։

Նախարարը հակված է այն տեսակետին, որ Թուրքիայի բազմաթիվ քաղաքացիներ արտասահմանից են վերադարձել, և չի բացառվում, որ վիրուսը նրանց միջոցով արդեն մուտք գործած լինի Թուրքիա։

Թուրք օգտատերերը սոցիալական ցանցերում գրում են, որ Թուրքիայում վաղուց արդեն կորոնավիրուսի դեպքեր կան, սակայն կառավարությունը խուճապը կանխելու համար տեղեկատվությունը փակ է պահում և աստիճանաբար փորձում է խոստովանել կորոնավիրուսի առկայության մասին։