Թուրքիայում կորոնավիրուսի պատճառով փակվել են դիսկոտեկները, բարերը և գիշերային ակումբները

Հասարակական11:14, 16 Մարտ 2020

Թուրքիայում կորոնավիրուսի պատճառով փակվել են դիսկոտեկները, բարերը և գիշերային ակումբները

Թուրքիայում կորոնավիրուսի պատճառով փակվել են դիսկոտեկները, բարերը և գիշերային ակումբները։

Թուրքիայի ներքին գործերի նախարարությունը նահանգապետերին ուղարկած շրջաբերականով պահանջել է մարտի 16֊ին տեղական ժամանակով ժամը 10։00-ից դադարեցնել վերոհիշյալ ժամանցային վայրերի գործունեությունը։

Շրջաբերականում նշվում է, որ Չինաստանի Ուհան քաղաքում հայտնաբերված նոր կորոնավիրուսը շարունակում է սպառնալ ողջ աշխարհին։

Նշվում է, որ նման որոշման նպատակը կորոնավիրուսի համավարակը կանխելն է և քաղաքացիներին այդ հիվանդությունից պաշտպանելն է։

«Այն պատճառով, որ հասարակական հանգստի և ժամանցի վայրերում, որտեղ մեծանում է շատ մոտ տարածությունում քաղաքացիների վարակման ռիսկը, ժամը 10։00֊ից սկսած կդադարեցվեն դիսկոտեկների, բարերի և գիշերային ակումբների գործունեությունը»,֊ասվում է շրջաբերականում։

Աղբյուր` diken.com.tr