Թուրքիայի բնակիչները պատուհաններից ծափահարել են բուժաշխատողներին (տեսանյութ)

Հասարակական12:45, 20 Մարտ 2020

Թուրքիայի բնակիչները պատուհաններից ծափահարել են բուժաշխատողներին (տեսանյութ)

Մարտի 20-ին երեկոյան ժամը 21։00-ին Թուրքիայի գրեթե բոլոր քաղաքներում առողջապահության նախարար Ֆահրեթթին Քոջայի կոչով քաղաքացիներն իրենց պատշգամբներից և պատուհաններից ծափահարել են բուժաշխատողներին՝ ի նշան կորոնավիրուսի դեմ պայքարում նրանց ցուցաբերած անձնվեր աշխատանքի հանդեպ երախտագիտության։

Համացանցի թուրքական տիրույթը ողողվել է Թուրքիայի տարբեր քաղաքներից ծափահարության պահն արձանագրող տեսանյութերով։

Առողջապահության նախարարը կոչ է արել պարբերաբար կրկնել ծափահարությունները և դարձյալ 21։00-ին ծափահարել երկրում կորոնավիրուսի տարածման դեմ պայքարող բուժաշխատողների պատվին։

Հիշեցնենք, որ պաշտոնական տվյալների համաձայն Թուրքիայում արդեն գրանցվել է նոր տեսակի կորոնավիրուսի 359 դեպք՝ 4 մահվան ելքով։

Ֆահրեթթին Քոջան իր Twitter-ի էջում հրապարակել է Ստամբուլում տեղի ունեցող ծափահարությունների արարողությունից մի դրվագ՝

SAAT 21.00 ALKIŞI İÇİN SAĞ OL TÜRKİYE!

Sağlık çalışanlarımıza minnettarlığımızın sesi yarın, ertesi gün aynı saatte tekrar duyulsun! (İstanbul) pic.twitter.com/W4ywBeErDA
— Dr. Fahrettin Koca (@drfahrettinkoca) March 19, 2020