Հասարակական13:52, 24 Մարտ 2020
Թուրքիայում կորոնավիրուսով պայմանավորված նոր սահմանափակումներ
Թուրքիայում կորոնավիրուսի տարածմամբ պայմանավորված մի շարք ոլորտներում առկա սահմանափակումներին ավելացել են նորերը: Ներքին գործերի նախարարության կողմից բոլոր 81 նահանգապետարաններ ուղարկված շրջաբերականում սահմանափակումներ կան հանրային տրանսպորտի ու մթերային խանութների վերաբերյալ:
Մասնավորապես նշվում է, որ հանրային տրանսպորտը պետք է երթևեկի կիսով չափ բեռնված: Նշվում է, որ տրանսպորտային միջոցներում չպետք է լինի դրա տեխանձնագրում նշված ուղևորների նախատեսված քանակի կեսից ավել մարդ: Ուղևորներն էլ պետք է այնպիսի դասավորվածությամբ նստած լինեն, որ հնարավորինս քիչ շփում ունենան:
Խանութների վերաբերյալ էլ շրջաբերականում ասվում է, որ 10քմ մակերեսի վրա չպիտի լինի մեկից ավել մարդ։ Նշվում է նաև, որ մինչև խանութում գտնվող հաճախորդը դուրս չգա, չի կարելի նոր հաճախորդին ներս թողնել:
Հաղորդվում է, որ խանութներին վերաբերող կարգավորումները պետք է իրականացվեն տեղական ինքնակառավարման մարմինների վերահսկողությամբ, հանրային տրանսպորտի սահմանափակումներին կհետևեն ճանապարհային ոստիկանության ծառայողները: Երկու դեպքում էլ վերահսկողության կարող են ներգրավվել ոստիկանական այլ ստորաբաժանումներ:
Այս ենթաբաժնի վերջին նորությունները
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |