Հասարակական13:33, 08 Հուլիս 2020
Թուրքիայում TikTok-ի համար տեսանյութ նկարելը պատանու համար կյանք է արժեցել
Թուրքիայում Աֆյոնքարահիսար նահանգում TikTok սոցիալական ցանցի համար տեսանյութ նկարահանելիս 17-ամյա պատանին խեղդվել է տարածքում գործող քարհանքի՝ ջրով լցված փոսերից մեկում։
Նշվում է, որ Օզուղհան Բայլան անունով տղան երեկոյան ժամերին տեսանյութը նկարահանելիս մտել է ջրով լցված փոսը, ապա, չկարողանալով դուրս գալ փոսից՝ խեղդվել է։
Դեպքի մասին փրկարարներին ու տղայի ընտանիքին հայտնել է նրա ընկերը, որը միջադեպի ժամանակ նրա հետ է եղել։ Դեպքի վայր ժամանած ջրափրկարարները կարողացել են դուրս բերել երիտասարդի մարմինը։
Նշենք, որ ՏիկՏոկ սոցիալական ցանցը ներկայում արգելված է որոշ երկրներում։ Թուրքիայի Անձնական տվյալների պահպանության կազմակերպությունը ևս օրեր առաջ հետաքննություն է սկսել սոցցանցի դեմ։
ՏիկՏոկը (TikTok), սոցիալական ցանց է, որը թույլ է տալիս ստեղծել կարճ երաժշտական տեսահոլովակներ, ուղիղ եթերներ և հաղորդագրություններ փոխանակել։ Չինաստանում հայտնի է «Douyin» անվամբ։
Թողարկվել է 2016 թվականի սեպտեմբերին, ներկայումս Չինաստանում կարճ տեսանյութերի համար առաջատար տեսահարթակն է, այժմ էլ ավելի է տարածվում այլ երկրներում՝ դառնալով ամենաարագ աճող և ներբեռնվող հավելվածներից մեկը։ Ներկա պահին հավելվածն ունի ավելի քան 500 միլիոն օգտատեր շուրջ 150 երկրներից։ Սոցցանցի թիրախային ու հիմնական լսարանը դպրոցականներն ու պատանիներն են։
Այս ենթաբաժնի վերջին նորությունները
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |