Հասարակական15:56, 04 Մարտ 2022
Թուրքիայի բնակչության 49․9 տոկոսը կանայք են
Թուրքիայի բնակչությանը 49․9 տոկոսը կազմում են կանայք, իսկ 50․1 տոկոսը՝ տղամարդիկ։ Այս մասին նշվում է Թուրքիայի վիճակագրական ծառայության «Կանայք՝ վիճակագրությամբ-2021» զեկույցում։ Զեկույցի համաձայն՝ Թուրքիայում բնակվում է 42 միլիոն 252 հազար 172 կին։
Նշվում է, որ 2020 թվականի դրությամբ Թուրքիայում զբաղված է/աշխատում է բնակչության 42․8 տոկոսը, որից 26․3 տոկոսը կազմում են կանայք, իսկ 59․8 տոկոսը՝ տղամարդիկ։ Առաջին ամուսնության միջին տարիքը Թուրքիայում կանանց համար 25․4 է, իսկ տղամարդկանց՝ 28․1։
Ըստ զեկույցի՝ Թուրքիայում ավելանում է կանանց ներգրավվածությունը քաղաքականության մեջ։
Թուրքիայի արտգործնախարարության տվյալների համաձայն՝ վերջին տասը տարիներին ավելացել է կին դեսպանների թիվը։ Մինչ 2011 թվականին Թուրքիան ներկայացնող դեսպանների միայն 11․9 տոկոսն են եղել կանայք, 2021-ին այդ համամասնությունը հասել է 26․5 տոկոսի։
Թուրքիայի խորհրդարանում, սակայն, 2021-ի վերջին տվյալներով, 582 պատգամավորներից միայն 101-ն է կին։ Այդուհանդերձ, խորհրդարան անցած կին պատգամավորների թիվն աճել է վերջին տարիներին։ Եթե 2007-ին խորհրդարան անցածների միայն 9․1 տոկոսն է եղել կին, 2021-ին այդ համամասնությունը հասել է 17․4 տոկոսի։
Այս ենթաբաժնի վերջին նորությունները
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |