Թուրքիայի հայկական եկեղեցիներում նշվել է «Մարիամ Աստվածածնի վերափոխման» տոնը

Հասարակական12:50, 14 Օգոստոս 2023

Թուրքիայի հայկական եկեղեցիներում նշվել է «Մարիամ Աստվածածնի վերափոխման» տոնը

Օգոստոսի 13-ին նշվում է հայկական 5 տաղավար տոներից «Մարիամ Աստվածածնի վերափոխման» տոնը, կամ ինչպես ժողովրդի շրջանում է հայտնի՝ խաղողօրհնեքի տոնը:

Այն տոնվում է տարվա մեջ մեկ անգամ՝ օգոստոսի 15-ին նախորդող կամ հաջորդող ամենամոտ կիրակի օրը:

Ինչպես աշխարհի 4 կողմում գտնվող հայկական եկեղեցիները, այնպես էլ Ստամբուլի հայկական եկեղեցիներում իրականացրել են խաղողօրհնեհքի տոնակատարությունները:

Այն նշվել է նաև Թուրքիայում միակ հայկական գյուղի՝ Վաքըֆլըի հայկական եկեղեցում ևս, որին ներկա է գտնվել նաև Պոլսո հայոց պատրիարք Սահակ արքեպիսկոսպոս Մաշալյանը:

Տոնի մասին պատմել է Թուրքիայում հրապարակվող հայկական «Ակոս» օրաթերթի համահիմնադիրներից և խմբագիրներից Սարգիս Սերոփյանը:

«Աստվածածնի տոնը համընկնում է օգոստոսի կեսերին, երբ հանվել է խաղող ուտելու արգելքը։ Այդ տոնը հեթանոսական պատմության մեջ ոչ միայն խաղողի օրն է, այլև աստվածային զորությանը շնորհակալություն հայտնելու օրը»:

Աղբյուր` m.bianet.org