Սոցհարցում Անկարայի քաղաքապետի ընտրությունների վերաբերյալ

Հասարակական10:57, 31 Հունվար 2024

Սոցհարցում Անկարայի քաղաքապետի ընտրությունների վերաբերյալ

Թուրքական «ORC» հետազոտական ընկերությունը մայիսին կայանալիք տեղական ինքնակառավարման մարմինների ընտրությունների (ՏԻՄ) վերաբերյալ հարցում է անցկացրել:

Հարցումը մասնավորապես վերաբերել է Թուրքիայի մայրաքաղաք Անկարայի քաղաքապետի ընտրությանը:

Անկարայում հունվարի 24-ից 26-ն անցկացված հարցմանը մասնակցել է 3.800 մարդ: Նրանց ուղղվել է «Անկարայի քաղաքապետի ընտրություններում ո՞ր թեկնածուին եք մտադիր ձայն տալ» հարցը:

Մասնակիցների 43.7 տոկոսը նշել է Թուրքիայում գլխավոր ընդդիմադիր կուսակցությունը համարվող «Ժողովրդահանրապետական» կուսակցության (CHP-ԺՀԿ) քաղաքապետի թեկնածու Մասնուր Յավաշի անունը:

Իսկ 40.9 տոկոսը՝ Թուրքիայում իշխող «Արդարություն և զարգացում» կուսակցության (AKP-ԱԶԿ) թեկնածու Թուրգութ Ալթընոքի անունը:

Հնչել է նաև ընդդիմադիր «Լավ» կուսակցության (İYİ) քաղաքապետի թեկնածու Ջենգիզ Թոփել Յըլդըրըմի անունը. մասնակիցների 5.2-ն է նշել նրա անունը:

Հարցվածների 7 տոկոսը դժվարացել է պատասխանել:

Աղբյուր` Rudaw.net