Թուրքական իշխանությունների հետքայլը. Վանում կպաշտոնավարի ընդդիմադիր քաղաքապետ

Հասարակական10:41, 04 Ապրիլ 2024

Թուրքական իշխանությունների հետքայլը. Վանում կպաշտոնավարի ընդդիմադիր քաղաքապետ

Թուրքիայում մարտի 31-ին անցկացված տեղական ինքնակառավարման մարմինների (ՏԻՄ) ընտրություններից հետո ցույցերի մեծ ալիք էր բարձրացել, որն ուղեկցվել էր փողոցներում բազմաթիվ անկարգություններով:

Ապրիլի 3-ին Թուրքիայի բարձրագույն ընտրական հանձնաժողովը, տեղիք տալով բազմահազար մարդկանց բողոքին, որոշում է կայացրել բողոքարկել Թուրքիայի արդարադատության նախարարության կայացրած որոշումը, ինչի արդյունքում թույլատրվել է ընտրություններում հաղթած ընդդիմադիր թեկնածուին զբաղեցնել Վանի քաղաքապետի պաշտոնը:

Հիշեցնենք, որ ձայների 55 տոկոսով Թուրքիայի արևմտյան հատվածում գտնվող Վանի քաղաքապետ ընտրված ընդդիմադիր «Ժողովուրդների հավասարություն և ժողովրդավարություն» կուսակցության (DEM) թեկնածու Աբդուլլայ Զեյդանին թույլ չէր տրվել ստանձնել իր պաշտոնը:

Թուրքական մամուլը նշում էր, որ նրանից ետ էր վերցվել ընտրվելու իրավունքը «Արգելված իրավունքների ետ առնման» հիմունքներով, իսկ քաղաքապետի պաշտոնի մանդատը հանձնվել էր ձայների 27 տոկոսը հավաքած, իշխող «Արդարություն և զարգացում» կուսակցության (ԱԶԿ-AKP) թեկնածու Աբդուլահաթ Արվասին:

Այդ պատճառով ընդդիմադիր գործիչ Զեյդանը ժողովրդին կոչ էր արել դուրս գալ փողոց և իրենց բողոքն արտահայտել իշխանությունների արած այդ քայլի դեմ։

Աղբյուր` diken.com.tr