Թուրքիայում հակաիսրայելական ցույցեր են. «Եթե այսօր լռենք, վաղը շատ ավելի ծանր գին ենք վճարելու այդ լռութան համար»

Հասարակական14:35, 20 Հունիս 2024

Թուրքիայում հակաիսրայելական ցույցեր են. «Եթե այսօր լռենք, վաղը շատ ավելի ծանր գին ենք վճարելու այդ լռութան համար»

Թուրքիայի Տրապիզոն քաղաքում «Özgür Aksa Trabzon» հարթակը ամեն չորեքշաբթի բողոքի ակցիա-քայլերթ է կազմակերպում՝ ի աջակցություն Պաղեստինի։ Քայլերթի մասնակիցները Թուրքիայի և Պաղեստինի դրոշները ձեռքներին, պաստառներով, տարբեր կարգախոսներ հնչեցնելով քայլերթ են կատարում։ Երթի մասնակիցներից մեկը նշել է, որ հոկտեմբերի 7-ից Իսրայելի հարձակումները Պաղեստնի վրա շարունակվում են և աշխարհը լուռ է այս դաժանության դեմ։

Ըստ նրա, Միավորված ազգերի կազմակերպությունը (ՄԱԿ), մարդու իրավունքների պաշտպանության կազմակերպությունները և միջազգային հանրությունը չկարողացան արդյունավետ արձագանքնել այս դաժանությանը։

«Ամոթ կլինի, որ մենք մուսուլմաններս մեր ձայնը բավարար չափով չբարձրացնենք, չհամախմբվենք։ Գազայում տեղի ունեցող այս ողբերգությունը համայն մարդկության ամոթալի պատկերն է բացահայտում»,-հայտարարել է նա։

Ըստ նրա, այսօր ինչ տեղի է ունենում Գազայում, վաղը կարող է կրկնվել մեկ այլ իսլամական տարածքում։

«Եթե այսօր լռենք, վաղը շատ ավելի ծանր գին ենք վճարելու այդ լռութան համար։ Այդ պատճառով պետք է միասնական լինենք, բարձրացնենք մեր ձայնը և պետք է դեմ կանգնենք Գազայում ցեղասպանությանը»,- նշել է նա։

Ինչպես նաև հավելել է. «Գազայի մեր եղբայրների ցավը, մեր ցավն է և մեր պարտականությունն է բուժել նրանց վերքերը։ Այդ պարտականությունը ոչ միայն մարդկային այլև կրոնական պարտականություն է»։