Բիլգիչ. «Թուրքիա մեկնող ռուս զբոսաշրջիկների թիվը կարող է ավելանալ»

Հասարակական11:02, 17 Հուլիս 2024

Բիլգիչ. «Թուրքիա մեկնող ռուս զբոսաշրջիկների թիվը կարող է ավելանալ»

Մոսկվայում Թուրքիայի դեսպան Թանժու Բիլգիչն անդրադարձել է զբոսաշրջության ոլորտում երկու երկրների համագործակցությանը:

Բիլգիչը նշել է, որ 2024-ին Թուրքիա մեկնած ռուս զբոսաշրջիկների թիվը նախորդ տարվա՝ 2023-ի 6.3 միլիոնից ավելի շատ կարող է լինել:

Նրա խոսքով՝ Թուրքիան այդ ֆոնին ակնկալում է նաև միջտարածաշրջանային չվերթների աճ:

Դեսպանն ընդգծել է նաև, որ Թուրքիայում կա այնպիսի մի վայր, որը ռուս զբոսաշրջիկների մոտ մեծ հետաքրքրություն է առաջացնելու՝ միաժամանակ խորհուրդ տալով նրանց լինել այնտեղ:

Ըստ Բիլգիչի՝ այդտեղը Կապադովկիան է, որը, նրա համոզմամբ, մոտ ապագայում տուրիստական հայտնի ուղղություն է դառնալու:

Նշենք, որ թուրք դիվանագետը նման հայտարարություններով հանդես է եկել Թուրքիայում 2016-ի հուլիսի 15-ին իրականացված ռազմական հեղաշրջման փորձի տապալման տարելիցի առթիվ ՌԴ մայրաքաղաքում գտնվող «Յունուս Էմրե» թուրքական մշակութային կենտրոնում կայացած «հերոսներ» ֆոտոցուցահանդեսի ժամանակ:

Հուլիսի 15-ը Թուրքիայում նշվում է որպես «Ժղովրդավարության և ազգային միասնության օր»:

Աղբյուր` dikgazete.com