Թուրքիայում գնաճի պատճառով նվազել է գերմանացի զբոսաշրջիկների թիվը

Հասարակական12:46, 14 Նոյեմբեր 2024

Թուրքիայում գնաճի պատճառով նվազել է գերմանացի զբոսաշրջիկների թիվը

Թուրքիայի միգրացիոն վարչությունը հրապարակել է տվյալներ, որտեղ նշվում է, որ գնաճով պայմանավորված Թուրքիայի շատ քաղաքացիներ լքում են երկիրը և դրա հետ մեկտեղ մատնանշվում է, որ գնաճը նաև սկսել է ազդել օտարերկրացիների վրա, որոնք զբոսաշրջության նպատակով այցելում են Թուրքիա։

Գերմանացիների համար Թուրքիան տարիներ շարունակ եղել է նախընտրելի ուղղություններից մեկը և Գերմանիայի Դաշնության վիճակագրության վարչության հրապարակած զեկույցում ևս նշվում է, որ գնաճը ազդել է դրա վրա։

Թուրքիայում հանգստի փաթեթները թանկացել են 9%-ով։ Եվ այդ թանկացման պատճառով գերամանացի զբոսաշրջիկների համար Թուրքիան, որպես նախընտրելի ուղղություն, այլևս առաջին տեղում չէ։ Գերամանիայից զատ Ռուսաստանից և Մերձավոր Արևելքի երկրներից զբոսաշրջության նպատակով Թուրքիա մեկնող հոսքը վերջին տարիներին նվազել է, իսկ Հեռավոր Արևելքից զբոսաշրջիկների հոսքը կտրուկ աճել։

Աղբյուր` Ermenihaber.am