Սոցհարցում. «Թուրքիայում կա՞ արդարադատություն»

Հասարակական12:48, 22 Հունվար 2025

Սոցհարցում. «Թուրքիայում կա՞ արդարադատություն»

«ASAL» հետազոտական և խորհրդատվական ընկերությունը սոցհարցում է իրականացրել Թուրքիայում արդարադատության համակարգի վերաբերյալ։ Սոցհարցումն անցկացվել է 2025-ի հունվարի 10-ից 14-ն ընկած ժամանակահատվածում Թուրքիայի 26 նահանգներում՝ 1800 քաղաքացու մասնակցությամբ։

«Թուրքիայում կա՞ արդարադատություն» հարցին ի պատասխան՝ հարցվածների 21.1%-ը պատասխանել է այո՝ կա, 71%-ը՝ ոչ, Թուրքիայում արդարադատություն չկա։ Իսկ 7.9%-ը չի պատասխանել հարցին։

Հետազոտական ընկերությունն այդպիսի հարցում էր արել նաև 2024-ի հուլիս և օգոստոս ամիսներին ու հրապարակել արդյունքները։ Նշենք, որ հուլիսին անցկացված հարցման արդյունքներն ունեցել են հետևյալ տեսքը։

Հարցվածների 19.2%-ը նշել էր, որ Թուրքիայում կա արդարադատություն, 70.5%-ը նշել էր, որ ոչ չկա։ Իսկ 10.3%-ը չէր պատասխանել հարցին։

Իսկ օգոստոսյան հարցման արդյունքների համաձայն՝ 18.8%-ը կարծել է, որ Թուրքիայում կա արդարադատություն, 74%-ը հակառակն է կարծել։