Ստամբուլի ընդդիմադիր քաղաքապետի ձերբակալումից հետո Թուրքիայում բողոքի ցույցեր են սկսվել (լուսանկարներ)

Հասարակական11:10, 20 Մարտ 2025

Ստամբուլի ընդդիմադիր քաղաքապետի ձերբակալումից հետո Թուրքիայում բողոքի ցույցեր են սկսվել (լուսանկարներ)

Մարտի 19-ին վաղ առավոտյան Ստամբուլի ընդդիմադիր քաղաքապետ, գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) անդամ Էքրեմ Իմամօղլուի ձերբակալումից հետո Ստամբուլում սկսվել են բողոքի ցույցեր։

ԺՀԿ-ի կոչից հետո հազարավոր մարդիկ հավաքվել են Ստամբուլի քաղաքապետարանի շենքի մոտ։ Ցույցն ընթացել է պաստառներով և վանկարկել են «Միայնակ փրկություն չկա՝ կա՛մ բոլորս միասին, կա՛մ մեզանից ոչ մեկը»։ Ցույցերին մասնակցել է կուսակցության նախագահ Օզգյուր Օզելը և Իմամօղլուի կինը՝ Դիլեք Իմամօղլուն։

Օզելը հայտարարել է, որ դատական հեղաշրջմամբ փորձ է արվում խլել ազգի կամքը։

Ստամբուլի համալսարանի ուսանողները ևս հավաքվել են համալսարանի դիմաց, երթ կազմակերպել և իրենց բողոքը հայտնել Էքրեմ Իմամօղլուի դիպլոմի չեղարկման և կալանավորման դեմ։ Երթից հետո ուսանողների և ոստիկանական ուժերի միջև բախումներ և ծեծկռտուք է տեղի ունեցել։ Լուսանկարներից երևում է, որ ոստիկաները կիրառել են արցունքաբեր գազ։

Հաջեթեփե համալսարանի ուսանողները և Անկարայի Մերձավոր Արևելքի տեխնիկական համալսարանի ուսանողները նույնպես մասնակցել են անցկացրել։

Անկարայում ևս անցկացվել են բողոքի ցույցեր, ժողովուրդը հավաքվել է «CHP» կուսակցության շտաբի դիմաց և շարժվել դեպի Արդարադատության նախարարության շենքի ուղղությամբ։ Բացի Ստամբուլից և Անկարայից բողոքի ցույցեր են անցկացվում նաև Իզմիրում, Ադանայում, Մուղլայում, Էսքիշեհիրում, Ռիզեում, Թունջելիում։