Տարեցների համար նոր սոցիալական նախաձեռնություն Թուրքիայում

Հասարակական00:00, 05 Մայիս 2025

Տարեցների համար նոր սոցիալական նախաձեռնություն Թուրքիայում

Թուրքիայում տարեց բնակչության թվի կտրուկ աճի ֆոնին իշխանությունները նախաձեռնում են նոր սոցիալական մոդել՝ «Ծերերի խնամքի ապահովագրություն»։ Այս համակարգի միջոցով 65 և բարձր տարիքի քաղաքացիները կարող են միաժամանակ ստանալ ինչպես կենսաթոշակ, այնպես էլ օգտվել խնամքի և առողջապահական ծառայություններից։

Թուրքիայի վիճակագրական ծառայության (TÜİK) տվյալներով՝ երկրում 65 և բարձր տարիքի մարդկանց թիվը գերազանցել է 8.7 միլիոնը՝ կազմելով բնակչության շուրջ 10.2%-ը։ Այս աճը ստիպել է կառավարությանը մշակել նոր մեխանիզմ՝ տարեցների կյանքի որակը բարելավելու և սոցիալական բեռը մեղմելու նպատակով։

Ծրագրից կարող են օգտվել 60 տարեկանից բարձր անձինք, ովքեր խնամքի կարիք ունեն։ Բացի այդ հնարավոր կլինի այս ապահովագրությունն իրար հետ համադրել մասնավոր առողջապահական ապահովագրությունների հետ՝ անցում կատարելով առավել լայնածավալ ապահովագրական համակարգի։

Այս նախաձեռնությունը, որն ունի թե՛ սոցիալական, թե՛ տնտեսական նշանակություն, նպատակ ունի տարեցներին ապահովել ծերության խնամք՝ միաժամանակ թեթևացնելով պետության վրա դրված սոցիալական բեռը։

Աղբյուր` turkiyegazetesi.com.tr