ՔԲԿ-ի ինքնալուծարումը Թուրքիայի իշխող կուսակցությանը ձայներ է բերում

Հասարակական16:04, 15 Մայիս 2025

ՔԲԿ-ի ինքնալուծարումը Թուրքիայի իշխող կուսակցությանը ձայներ է բերում

Թուրքական «ASAL» հետազոտական ընկերությունը մայիսի 10-ից 14-ն ընկած ժամանակահատվածում ընտրությունների վերաբերյալ սոցհարցում է անցկացրել Թուրքիայում:

Ընդհանուր առմամբ 26 շրջանից 2000 մարդու ուղղվել է «Եթե այս կիրակի խորհրդարանական ընդհանուր ընտրություններ լինեին, ձեր ձայնը ո՞ր քաղաքական կուսակցությանը կտայիք» հարցը:

Պատասխանների արդյունքներով՝ ձայների 33.5 տոկոսով առաջին տեղում իշխող «Արդարություն և զարգացում կուսակցությունն» (AKP-ԱԶԿ) է, 32.4 տոկոսով երկրորդ տեղում է գլխավոր ընդդիմադիր ուժը համարվող «Ժողովրդահանրապետական կուսակցությունը» (CHP-ԺՀԿ), իսկ արդեն երրորդ տեղում՝ «Ժողովուրդների հավասարություն և ժողովրդավարություն կուսակցությունը» (DEM):

Թուրքական մամուլում ցուցանիշներն ուշագրավ են համարվում՝ Թուրքիայի կողմից ահաբեկչական ճանաչված «Քուրդիստանի բանվորական կուսակցության» (PKK-ՔԲԿ) մայիսի 6-ի ինքնալուծարման որոշման տեսանկյունից: Նշվում է, որ այդ իրադարձությունն Թուրքիայի իշխող կուսակցությանը ձայներ է բերում:

Աղբյուր` T24.com.tr