Թուրքական դրոշի վրա «մերկապար» պարելու համար քրեական գործ է հարուցվել

Հասարակական18:33, 21 Օգոստոս 2025

Թուրքական դրոշի վրա «մերկապար» պարելու համար քրեական գործ է հարուցվել

Թուրքիայի Նևշեհիր նահանգի Ուչհիսար քաղաքում թուրքական դրոշի վրա մերկապար պարած օտարերկրացու դեմ քրեական գործ է հարուցվել: Նևշեհիրի նահանգապետարանը հայտարարել է, որ անվտանգության ծառայությունները ուսումնասիրում են մամուլում և սոցիալական ցանցերում տարածված տեսանյութերը:

Նևշեհիրի գլխավոր դատախազությունը հարուցել է քրեական գործ Թուրքիայի քրեական օրենսգրքի 300-րդ և 301-րդ հոդվածների ներքո:

Նահանգապետարանի հայտարարությունում նշվում է. «Մեր սիրելի ժողովրդի ազգային և հոգևոր արժեքների նկատմամբ անհարգալից վերաբերմունքի առնչությամբ հարցը նահանգապետարանի ուշադրությահ կենտրոնում է»:

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:

301-րդ հոդվածը վեց ամսից երկու տարի ազատազրկում է նախատեսում թուրք ազգի, Թուրքիայի Հանրապետության, պետական ինստիտուտների հրապարակային վիրավորման համար:

Աղբյուր` www.diken.com.tr