ERMENI HABER AJANSI

Թուրք հոդվածագիր Նեդիմ Շեներն իր «Ձերբակալված 75 լրագրող և մեկ պաստառ» հոդվածում անդրադառնալով Թուրքիայում մամուլի ազատության խնդրին, գրում է,-«Մի երկրում, որտեղ անհանդուրժողաբար են վերաբերվում նույնիսկ «Ազատություն լրագրողներին» գրությամբ պաստառին, կարելի՞ է արդյոք ասել, թե մամուլի ազատություն կա: Իհարկե, ոչ»:

Սյունակագիրը նշում է, որ Թուրքիայի ոստիկանությունն արդեն դիմում է ծայրահեղ քայլերի և մամուլի ազատության հարցով դատավարության շրջանակներում անգամ «ձերբակալել է» «Ազատություն լրագրողներին» գրությամբ մի պաստառ:

Հեղինակը հոդվածում նշում, որ այս պահին Թուրքիայի բանտերում կա 75 լրագրող, որոնցից 37-ը ձերբակալվել է «Քրդական համայնքների միության» (ՔՀՄ-KCK), 7-ը` «Էրգենեքոն» ահաբեկչական կազմակերպության, 7-ը` «Հեղափոխական ժողովրդական ազատագրության կուսակցության» (DHKP), 6-ը` «Քուրդիստանի բանվորական կուսակցության» (ՔԲԿ-PKK), 3-ը` <Մարքս-լենինյան կոմունիստական կուսակցության» (ՄԼԿԿ-MLKP), 9-ը` այլ ձախակողմյան կազմակերպությունների դատական գործերի շրջանակներում:

Ermenihaber.am