Հասարակական13:34, 09 Սեպտեմբեր 2015
Պոլսո Հայոց պատրիարքարանին 1000 օրինակ հայերեն Ղուրան է նվիրվել
Թուրքիայի «Բիլգի մերքեզի» հետազոտական և հրատարակչական ընկերության սեփականատերեր Մուրադ Ռումեվլեքլիօղլուն, Մուրադ Բիչերը և թարգմանիչ Յավուզ Այդընը այցելել են Ստամբուլի հայոց պատրիարքի փոխանորդ Արամ Աթեշյանին: Թուրքական «beyazgazete.com» լրատվական կայքի համաձայն՝ այցի ընթացքում նրանք պատրիարքարանին են նվիրել Թուրքիայի կրոնական հարցերով նախարարության աջաակցությամբ հայերեն թարգմանված Ղուրանի 1000 օրինակ, որոնցից 500՝ արևելահայերենով, 500-ը՝ արևմտահայերենով:
Պոլսո Հայոց պատրիարքի փոխանորդ Արամ Աթեշյանը շնորհակալություն է հայտնել այցի համար և նշել է, որ մինչ այժմ Ղուրանի որևէ պիտանի հայերեն թարգմանություն չի եղել , չնայած, որ թարգմանելու մի քանի փորձ նախկինում էլ արվել է:
«Թուրքերեն չիմացող հույնը, հրեան կամ հայը պետք է կարդան Ղուրանը, ընկալելու այդ մշակույթը: Ըմբռնելու այնտեղ եղած արժեքավոր խոսքերը: Պետք է ճանաչի Մուհամեդ մարգարեին: Նույն կերպ Աստվածաշունչն է թարգմանվել աշխարհի տարբեր լեզուներով և կարդացվում է յուրաքանչյուր հասարակության կողմից: Ես 1-ական օրինակ կուղարկեմ բոլոր եկեղեցիներին, բոլորն այն կունենան, ժողովրդից ցանկացողներին ևս կբաժանեմ», - ասել է պատրիարքի փոխանորդը:
Աղբյուրի համաձայն՝ ընդհանուր առմամբ հրատարակվել է հայերեն Ղուրանի 5 000 օրինակ, սակայն նպատակ կա այդ թիվը հասցնելու 300 000-ի:
Այս ենթաբաժնի վերջին նորությունները
«Այս համերգային շրջագայությունը չեղարկվել է բարձրաստիճան պաշտոնյանների հրահանգով»,- նշել է երաժիշտը։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |